Kryqi i Kuq Ndërkombëtar: Të bëhet më shumë për të pagjeturit!

Komiteti Ndërkombëtar i Kryqit të Kuq ka kërkuar që autoritetet e Kosovës dhe ato të Serbisë të intensifikojnë punën në kërkimin e personave të pagjetur nga lufta e Kosovës në fund të viteve `90.

Në këtë drejtim ka tepër pak përparim, konsideron Kryqi i Kuq Ndërkombëtar, shkruan Agjencia e Lajmeve, AFP. Edhe sot e gjithë ditën vazhdojnë të konsiderohen si të zhdukur më shumë se 1600 njerëz.

Prandaj, vazhdon Kryqi i Kuq, familjarët e prekur nga kjo, me plot të drejtë shprehin pakënaqësinë e tyre me vazhdimin e një gjendjeje të tillë.