Kthimi i mërgimtarëve, kolona të gjata në Merdare

Mërgimtarë të shumtë arritën në Kosovë gjatë ditëve të fundit.E numër i madh i tyre tashmë janë duke u kthyer për në shtetet të ndryshme të Evropës.

Gjatë kalimit në pikat kufitare të njëjtëve iu duhet të presin deri në tri orë. Në dalje të pikës kufitare të Merdares kolonat janë mjaftë të gjata.

“Pritja në Merdare, në dalje, aktualisht është nga 1 orë e 30 minuta e deri në 2 orë. Derisa më e vogël është ajo në pikën kufitare të Dheut të Bardhë. Të gjithë ata që kalojnë tek kufiri i Dheut të Bardhë po detyrohen të presin deri në 30 minuta”, thuhet në të dhënat e Qendrës Kombëtare për Menaxhimin Kufitar, përcjell albinfo.ch.

Sipas të dhënave të QKMK-së, për dallim nga pika kufitare në Merdare dhe te Dheu i bardhë, në pikat tjera kufitare nuk ka fare pritje dhe se qarkullimi i automjeteve po bëhet pa ndonjë pengesë.