Kuçi thotë se askush në qeveri nuk e ka vendin e garantuar

Kabineti Qeverisës  ende nuk dihet se kur do të kompletohet. E për këtë nuk ka qenë në gjendje të jap edhe ndonjë datë as zëvendëskryeministri i Kosovës, Hajredin Kuçi.

Ai ka thënë se një gjë e tillë pritet të bëhet së shpejti duke përfshirë këtu të plotësohen edhe postet e zëvendësministrave. Por, ka theksuar se për askënd nuk do të ketë garantim se do t’i kenë pozitat deri në përfundim të mandatit. Sa i përket ndarjes së posteve me partnerin qeverisës, AKR-në, Kuçi ka thënë se është çështje që do të negociohet.

Ai  ka folur edhe për kompetencat që u takojnë gjashtë zëvendëskryeministrave duke thënë se me miratimin e rregullores janë të ndara edhe kompetencat e tyre.