Kujdes në këtë kanton, ka shumë “policë të rremë”

Keystone/ Ilustrim

Të martën në mëngjes në policinë në Schaffhausen kanë marrë disa mesazhe rreth thirrjeve apo përpjekjeve të mundshme të mashtrimit nga “policia e rreme”.

Policia e Schaffhausenit këshillon për kujdes urgjent dhe kërkon që popullata, në veçanti të moshuarit në këtë drejtim të jenë të kujdesshëm.

Qytetarët kanë thënë se kanë pranuar thirrje nga një “oficier policie”, i cili i ka pyetur nëse ka vjedhje në lagje. Më pas i kanë thënë se ata mund të jenë në rrezik dhe duhet t’i dorëzojnë sendet dhe paratë në polici.

Gjithashtu, zyrtarët e dyshuar të policisë i këshilluan që të mos i tregojnë askujt për këtë paralajmërim.

Policia kërkon nga qytetarët që të jenë të kujdesshëm dhe të mos japin të dhëna persona, derisa për çdo rast të lajmërojnë në +41 52 624 24 24 ose duke përdorur numrin e urgjencës 117.