Kupchan: Frustrimi i grumbulluar i SHBA-së me Kurtin çoi në pezullimin e Dialogut

Deklaratat e Kurtit, arsyeja e pezullimit të dialogut nga SHBA

Në një deklaratë për media, Charles Kupchan, nga Këshilli për Marrëdhënie me Jashtë në Uashington, thotë se vendimi i Shteteve të Bashkuara për të pezulluar Dialogun Strategjik me Kosovën, është një rezultat i drejtpërdrejtë i frustrimit të grumbulluar ndaj veprimeve të kryeministrit në detyrë, Albin Kurti.ë, përcjell albinfo.ch.

“Kjo është një çështje serioze, sepse rajoni ka nevojë për më shumë angazhim nga SHBA-ja, jo për më pak”, thotë Kupchan për Radion Evropa e Lirë.

Ai shton se ky veprim synon të ushtrojë presion mbi udhëheqësit e Kosovës – veçanërisht mbi Kurtin – që të veprojnë në mënyrë konstruktive, të formojnë një qeveri dhe të riangazhohen në dialogun me Serbinë.

Kupchan thekson gjithashtu rëndësinë e kompromisit dhe të negociatave me mirëbesim midis të gjitha partive politike në Kosovë, për të rivendosur stabilitetin dhe për të ecur përpara.

“… kjo tregon se Uashingtoni po i ndjek ngjarjet dhe do të bëjë atë që gjykon se është e nevojshme, për të parandaluar paqëndrueshmërinë përpara se të ndodhë”, thotë Kupchan.

https://www.evropaelire.org/a/frustrimi-i-shba-se-me-kurtin-%C3%A7oi-ne-pezullimin-e-dialogut/33529053.html?fbclid=IwZnRzaAMx_ExleHRuA2FlbQIxMQABHkCXrAzyD3hzZRpCpx_tx5vfW_ThDdN3dFOflFwGtkvzUS98-meDL1unqj85_aem_D41DLoGJglFtj4Xu6K97uw

---