Kur përfundon rinumërimi i votave

Ilustrim

Komisioni Qendror i Zgjedhjeve nuk ka arritur ta mbajë mbledhjen e paraparë për sot.

Valmir Elezi, zëdhënës i KQZ-së, tha se mbledhja është shtyrë për nesër paradite, pasi nuk ishin përgatitur të gjitha materialet e nevojshme, përcjell albinfo.ch.

Ai gjithashtu njoftoi se pritet që gjatë javës së ardhshme të përfundojë procesi i rinumërimit të votave.

“KQZ ka vendosur të shkojë me rinumërimin e 314 kutive të votimit, proces që ka filluar gjatë ditës së djeshme dhe besoj që për 4-5 ditët e ardhshme do të arrijmë të kryejmë rinumërimin”.

“55 vendvotime janë numëruar deri në mesditë, ndërsa formularët e 32 prej tyre janë publikuar”, transmeton KlanKosova.

Elezi njoftoi se pas përfundimit të procesit të rinumërimit, do të vazhdojë numërimi i votave nga diaspora, atyre me kusht dhe votave të personave me nevoja të veçanta.