Kurti e nis ditën e dytë në Mynih me një takim me senatoren amerikane Ernst

Edhe sot, kryeministri i Republikës së Kosovës, Albin Kurti, e ka filluar ditën e dytë të qëndrimit të tij në Mynih, në kuadër të Konferencës për Siguri me një takim me senatoren amerikane, Joni Ernst.

Kurti ka shkruar se Ernst është përkrahëse e madhe e Forcës së Sigurisë së Kosovës dhe thotë se janë pajtuar që prania e NATO-s në rajon për sigurimin e paqes është e domosdoshme.

“Takimi i parë në ditën e dytë në Konferencën e Sigurisë në Mynih ishte me senatoren Joni Ernst. Senatorja Ernst është një mike e madhe e Kosovës në Senatin Amerikan dhe një mbështetëse e madhe e Forcës sonë të Sigurisë. U pajtuam që NATO është e domosdoshme për sigurimin e paqes në rajon”, ka shkruar Kurti.