Kurti e Osmani hapin fushatën zgjedhore në Pejë

Kurti dhe Osmani, sot, nisen fushatën zgjedhore në qytetin e Pejës. Qytetarët e shumtë janë mbledhur në sheshin “Shkëlzen Haradinaj” në Pejë për të mbështetur liderin e Lëvizjes Vetëvendosje.

Kryetari i LVV-së, Albin Kurti, i shoqëruar nga numri dy i listës së LVV-së, Vjosa Osmani, janë duke ecur qytetit ku po takojnë qytetarë të shumtë që janë duke i përcjellë.

Kurti dhe Osmani të shoqëruar nga shumë qytetarë janë duke ecur çarshisë së Pejës. Të shumta janë thirrje “Vetëvendosje” dhe “127”.

Kurti e Osmani janë duke u shoqëruar edhe nga kandidatët deputetë, si Fatmire Kolçaku, Rozeta Hajdari, Faton Peci.

Ndërsa në paraditen e së mërkurës, dega e Vetëvendosjes në Prishtinë ka hapur edhe zyrtarisht fushatën zgjedhore. Nga aty foli kryetari i degës së Vetëvendosjes në Prishtinë, Arben Vitia, i cili u shpreh i sigurt për fitoren e VV-së në këto zgjedhje.