Kurti fton gratë në protestën e së shtunës

Protestës të së shtunës, kreu i LVV-së Albin Kurti i ka bërë thirrje edhe grave.

Kreu i Lëvizjes Vetëvendosje, Albin Kurti, përmes një video mesazhi  të shpërndarë në rrjetet sociale ka ftuar qytetarët t’i bashkohen protestës së Vetëvendosjes më 29 shtator për të kundërshtuar idenë e presidentit Thaçi për shkëmbim të territoreve.

Kurti ka thënë se është koha që të gjithë të japin kontributin e tyre për ruajtjen e shtetësisë dhe pavarësisë. Mesazhi i

Kurtit i është drejtuar në veçanti grave.

“Gratë kanë dhënë shumë për vendin tonë, e pak janë përmendur. Pak këngë ka për to, pak monumente, pak emra rrugësh. Ndonëse gratë e vajzat janë të angazhuara shumë, kontributi i grave dhe vajzave është heshtur. Problemet e tyre janë të shumta, po s’mund të ndalen pa e ndalur këtë pushtet prej “burrash zullumqarë”, ka thënë Kurti.

---