Kurti premton zgjidhje për Trajkoviqin

Rashiqi kërkon ndihmën e Qeverisë së Kosovës

Ministri për Kthim dhe Komunitetet, Nenad Rashiq, ka shprehur shqetësimin për ndalimin e këshilltares Rada Trajkoviq në Merdar nga ana e policëve serbë, përcjell albinfo.ch.

Ai kërkoi nga Qeveria që të gjejë një rrugë për lirimin e saj.

“Dje këshilltarja ime duke ardhur nga drejtimi i Begoradit në Merdar është ndaluar 4 orë, ajo ka pasur takime të caktuara edhe me ambasadorin Hovienir, ajo prapë është ndaluar dhe ajo ende është duke u mbajtur e ndaluar, ajo ka diabet dhe ajo është që 15 orë e mbetur atje, ia kanë marrë dokumente dhe ajo pret”.

“Më vjen keq për Trajkovic, një grua me moral të lartë, ajo u ka ndihmuar shumë njerzëve dhe dëshiroj t’ ju lus nëse është e mundur qysh sot nga kabineti të dërgoni një shkresë QUINT-it që të bisedojnë më Beogradin, sepse janë i brengosur për shkak të gjendjes shëndetësore”.

Kryeministri Albin Kurti i është përgjigjur ministrit se gjatë ditës do të gjejnë një zgjidhje.

Ministrja e Punëve të Jashtme dhe Diasporës, Donika Gërvalla, tha se me të marrë lajmin, kanë ndërmarrë të gjitha hapat e nevojshëm si dhe për këtë rast janë njoftuar edhe ambasadat e QUNT-it.

“Me të marrë lajmin, kemi ndërmarrë të gjitha hapat zyrtarë, zyra jonë është aktive edhe ambasadat e QUNT-it janë në lëvizje dhe besoj që është një kohë e shkurtër që Trajkoviq do të lëvizë”, tha ajo.

Rada Trajkoviq, kryetare e Lëvizjes Evropiane të Serbëve të Kosovës dhe këshilltare e Nenad Rashiqit, ministër në Qeverinë e Kosovës, ka më shumë se 12 orë në kufirin ndërmjet Kosovës dhe Serbisë në Merdar.

Ajo gjithashtu deklaroi se Agjencia e Sigurisë dhe Informacionit (BIA) ka marrë përgjegjësinë për ndalimin e saj.

Siç ka shkruar ajo gjatë natës në Twitter, mes personave që i janë drejtuar dyshohet se është edhe një përfaqësues i BIA-s.

---