Kurti jep dorëheqje nga posti i Kryeministrit para betimit si deputet

Albin Kurti ka dhënë dorëheqje nga posti i kryeministrit para betimit si deputet, përcjell albinfo.ch.

Këtë e ka bërë të ditur përmes një letre drejtuar Sekretariatit të Kuvendit.

“Që nga data 23 mars kur përfundoi mandati i plotë katërvjeçar I qeverisë sonë, qeveria është në detyrë/dorëheqje. Në përputhje me Kushtetutën dhe ligjet në fuqi me deklaratën që kam dhënë dhe është pranuar në KQZ me datë 27 mars 2025 dhe me qëndrimin tim publik të po asaj dite, efektivisht jam i dorëhequr bashkë me kabinetin qeveritar”, thuhet në letër.

Ky veprim është i parashikuar me Kushtetutën e Kosovës. Sipas nenit 95, në rastin kur kryeministri jep dorëheqje, qeveria konsiderohet e shpërbërë dhe mbetet në funksion si qeveri në detyrë, deri në formimin e një qeverie të re.