Kurti, optimist se do të arrijnë marrëveshje me Mustafën

Takimi Kurti - Mustafa do të ndodhë sot në Kuvend të Kosovës, në orën 17:00

Pas takimit me sindikatat, ka folur para mediave lideri i Lëvizjes Vetëvendosje, Albin Kurti.

I pari i VV-së, në paraqitjen e parë pas kthimit nga Gjermania tha se sot do të takohet me Isa Mustafën, raporton Gazeta Express.

Shkurtimisht para mediave Kurti u shpreh se me LDK-në janë shumë afër arritjes së marrëveshjes, përcjell albinfo.ch.

“Do të arrijmë marrëveshje, jam shumë i bindur që do të qeverisim vendim, do t’i tejkalojmë të gjitha pengesat e vogla”, deklaroi ai.

Kurti ka konfirmuar gjithashtu se sot do të takohet me Mustafën.

“Në jemi në komunikim të vazhdueshëm si dy parti që do ta formojnë Qeverinë e re. Po, do të ketë takim sot”, tha ai.

Ndryshe, takimi Kurti – Mustafa do të ndodhë sot në Kuvend të Kosovës, në orën 17:00.

---