Kryeministri i Kosovës, Albin Kurti, ka shprehur dhimbjen për vdekjen e avokates shqiptaro-amerikane Florida Hoxha, bashkëshortit të saj Ian Kirkpatrick, vëllait Florin Hoxha dhe kunatës Eris Cani, të cilët humbën jetën në një aksident tragjik trafiku në Greqi.
Në një postim publik, Kurti ka kujtuar takimin me Floridën në New York, duke vlerësuar kontributin dhe përkushtimin e saj në komunitetin shqiptar në Shtetet e Bashkuara të Amerikës.
Ai e ka cilësuar Floridën si një krenari të diasporës shqiptare dhe një figurë të rëndësishme për komunitetin dhe profesionin e saj.
Sipas njoftimit të kryeministrit, aksidenti tragjik ka ndodhur në fund të muajit të kaluar.
