Kurti takohet me ambasadorët e vendeve të QUINT-it

Foto FB: Jonathan Hargreaves

Kryeministri në detyrë i Kosovës, Albin Kurti, është takuar me ambasadorët dhe përfaqësuesit diplomatikë të shteteve të QUINT-it, si dhe Shefin e Zyrës së Bashkimit Evropian në Kosovë.

Zyra e Kryeministrit ka njoftuar se temë kryesore e takimit ishte procesi i anëtarësimit të Kosovës në Këshillin e Evropës.

“Kryeministri Kurti u shpreh se Kosova tashmë i ka përmbushur kriteret ligjore dhe institucionale për t’u bërë pjesë e kësaj organizate, siç është vlerësuar edhe nga Asambleja Parlamentare dhe raportuesja për anëtarësimin e Kosovës”, thuhet në njoftimin e Kryeministrisë.

Tutje, sipas njoftimit, Kurti paralajmëroi se vonesat e mëtejshme në anëtarësim po ua mohojnë qytetarëve të Kosovës të drejtën për qasje në Gjykatën Evropiane për të Drejtat e Njeriut, transmeton albinfo.ch.

Bëhet e ditur se, ndër të tjera, është diskutuar edhe për zhvillimet e fundit politike në vend.