Kurti uron kancelarin e ri gjerman dhe falënderon kancelaren Merkel

Përmes një postimi në rrjetet sociale, kryeministri i Kosovës, Albin Kurti, ka falënderuar kancelaren gjermane Angele Merkel me rastin e përfundimit të mandatit të saj në krye të Qeverisë gjermane dhe e ka uruar kancelarin e ri gjerman, Olaf Scholz, përcjell albinfo.ch.

Kryeministri Kurti ka thënë se “sot i themi lamtumirë dhe faleminderit kancelares Merkel për lidershipin në Evropë dhe botë”.

“Një mirëseardhje e përzemërt kancelarit të ri, socialdemokratit me të cilin pres të promovojmë demokracinë në Ballkanin Perëndimor”, ka shkruar Kurti në një postim në Twitter.

Parlamenti i Gjermanisë e ka zgjedhur sot socialdemokratin Olaf Scholzin kancelarin e nëntë të vendit pas Luftës së Dytë Botërore, duke hapur një epokë të re për vendin më të populluar të Bashkimit Evropian pas mandatit 16-vjeçar të Angela Merkel.