Kurti takohet me Ali Ahmetin e Bujar Osmanin

Një orë para fillimit të takimeve në kuadër të dialogut në Ohër të Maqedonisë së Veriut, kryeministri i Kosovës, Albin Kurti, po zhvillon një takim me kryetarin e BDI-së, Ali Ahmeti dhe me ministrin e Punëve të Jashtme të Maqedonisë së Veriut, Bujar Osmani, përcjell albinfo.ch.

Kurti në këtë takim është i shoqëruar nga zëvendësi i tij, Besnik Bislimi dhe ministri i Kulturës, Hajrulla Çeku.

Sot në Ohër do të zhvillohet raundi i ri i dialogut, ku kryeministri Albin Kurti do të takohet me presidentin serb, Aleksandër Vuçiq, për të diskutuar për zbatimin e marrëveshjes së dakorduar në parim mbi bazën e propozimit të BE-së për dialogun.

Kurti dhe Vuçiq fillimisht do të takohen veç e veç me shefin e diplomacisë së BE-së, Josep Borelll dhe me emisarin special për dialog, Miroslav Lajçak, për të pasuar me takimin e përbashkët.