“Kush e zgjidh problemin e papunësisë, ia lëshoj postin”

Pritjet për viza nëpër ambasadat e huaja në Kosovë, për kryeministrin Ramush Haradinaj, janë të njëjta tash e 10 vjet.

Ndonëse kryeministri Haradinaj ka thënë se ikjet janë shqetësuese për qeverinë, sipas tij, është mirë që qytetarët po gjejnë punë.

Haradinaj tha se çdo vendim apo rekomandim të Kuvendit për ikjet e të rinjve, Qeveria do ta zbatojë.

Ndërkohë, Qeveria ka miratuar propozimin e zëvendëskryeministrit Enver Hoxhaj, për ta nisur një ligj, me të cilin do të rregullohej sanksionimi për ata që mohojnë krimet gjatë luftës në Kosovë.

Hoxhaj ka thënë se diskursi i përdorur nga politikanë të Listës Serbe, për viktimat e luftës në Kosovë, është i papranueshëm.

Ndryshe, në këtë mbledhje, Qeveria ka miratuar edhe kërkesën e KEK-ut për shpronësimin e pronave në zonën kadastrale në Hade dhe marrëveshjen financiare për IPA 2019, shkruan KTV, përcjell albinfo.ch.