Cili është njeriu më i pasur në Zvicër?

Ai ka miliarda franga, është aksionar dhe udhëheq disa kompani

Quhet Klaus-Michael Kühne, njeriu që zotëron më së shumti pasuri në Zvicër, por ai nuk është zviceran, por gjerman, transmeton albinfo.ch.

Referuar revistës Forbes, Klaus-Michael Kühne ka pasuri prej 36 miliardë frangash zvicerane.

Po ashtu ai është pronari mazhoritar i kompanisë logjistike Kuehne + Nagel.

“Njeriu më i pasur në Zvicër: Klaus-Michael Kuehne”, kështu nis titulli i gazetës  “SonntagsZeitung” duke iu referuar revistës “Forbes”, banori i Hamburgut është banori më i pasur i Zvicrës.

Ai është i moshës 85-vjeçare, ka lindur në Hamburg dhe që nga viti 1975 jeton me gruan e tij në Schindellegi SZ. Kuehne u pasurua kryesisht me kompaninë e tij të logjistikës Kuehne + Nagel, të cilën gjyshi i tij e themeloi në 1890.

Vlen të theksohet se ai është edhe një aksionar kryesor në Grupin Lufthansa, kompaninë e transportit Hapag Lloyd dhe klubin gjerman të futbollit Hamburger SV.

 

 

 

---