Kuvendi i Kosovës drejt përpjekjes së 36-të për konstituim

Kuvendi i Kosovës do të mblidhet sot për herë të 36-të në përpjekje për të konstituuar legjislaturën e nëntë parlamentare, e cila doli nga zgjedhjet e mbajtura më 9 shkurt, raporton albinfo.ch.

Seanca është paraparë të nisë në ora 10:30, në një atmosferë të vazhdueshme bllokade institucionale që tashmë ka hyrë në muajin e pestë.

Dështimi i fundit, i regjistruar para dy ditësh, erdhi si pasojë e mungesës së kuorumit për themelimin e komisionit për votim të fshehtë të kryeparlamentarit. Këtë komision e kishte propozuar kryesuesi i seancës, Avni Dehari. Ishte hera e 27-të që kjo përpjekje për formim të komisionit dështon.

Pas dështimit të 35-të me radhë, asnjëra nga partitë politike nuk dha sinjale për ndonjë ndryshim qëndrimi, duke shtuar pasigurinë për tejkalimin e krizës politike, raporton albinfo.ch.