Ky pritet të jetë formacioni i Shqipërisë ndaj Moldavisë

Shqipëria zhvillon stërvitjen e parë, ka disa mungesa

Kombëtarja shqiptare e futbollit luan të premten, në orën 18:00, kundër Moldavisë në transfertë, përcjell albinfo.ch.

Sfida e grupit E kualifikues për Euro 2024 është një finale për tanët, me “Shqiponjat” që kërkojnë të nisin fluturimin për në Gjermani, teksa një pikë do të na dërgonte për herë të dytë në fazën finale të një Europiani.

Për këtë përballje trajneri Sylvinho ka disa mungesa dhe shqetësime. Mbrojtësi Ajeti nuk është gati prej dëmtimit, me Jon Mersinaj që është grumbulluar në vend të tij. Rikthimi i Ismajlit duket se ka “blinduar” prapavijën, ndërsa shqetësimi dhe dilema e mesit të fushës është për Asllanin.

Mesfushori i Interit ka një dëmtim muskular dhe nuk dihet nëse do jetë gati për në Moldavi, duke vijuar stërvitjen e diferencuar. Në vend të tij ka hapësirë për Baren, krah Ramadanit dhe Bajramit. Sulmi duket i njëjtë me Seferin, Asanin dhe Cikalleshin.

Formacioni i mundshëm:

Shqipëria (4-3-3): Berisha; Hysaj, Gjimshiti, Ismajli, Mitaj; Bare (Asllani), Ramadani, Bajrami; Seferi, Asani, Cikalleshi Trajner: Sylvinho

 

---