Lajmërohet murtaja afrikane e derrit në Kosovë

Raportohet se Komuna e Dragashit informon se në territorin e saj zyrtarisht është konfirmuar murtaja afrikane e derrit, përcjell albinfo.ch.

Shoqata e Gjahtarëve “Dhia e Egër”, së bashku me Drejtorinë e Bujqësisë dhe Pylltarisë në Dragash, si dhe institucionet relevante qeveritare, janë duke ndërmarrë të gjitha hapat e nevojshëm për eliminimin e kësaj sëmundje, thuhet në njoftimin e Komunës.

“Kjo sëmundje nuk transmetohet te kafshët tjera, as te njeriu, mirëpo kujdesi duhet të jetë maksimal, pasi më herët nuk kemi pasur raste të tilla”, thuhet në njoftim.