Lanika Rexhepi arrin sukses të madh në “Karate 1 Youth League” në Itali

Sportistja e re nga Kosova, Lanika Rexhepi, ka shkëlqyer në garën ndërkombëtare “Karate 1 Youth League”, e cila po zhvillohet në Jesolo të Italisë. Ajo arriti të fitojë medaljen e bronztë në kategorinë Cadet Female Kumite +61 kg, pasi regjistroi pesë fitore dhe vetëm një humbje gjatë turneut.

Në ndeshjen vendimtare për vendin e tretë, Lanika triumfoi ndaj rivales nga Serbia me rezultat 6:5, duke siguruar podiumin. Trajnerët e saj, Asdren Myrtaj dhe Jetmir Rexhepi, u shprehën shumë të kënaqur, duke lavdëruar disiplinën dhe përkushtimin e Lanikës.

Ky rezultat e afirmon edhe më tej si njëra nga talentet më të spikatura të karatesë kosovare në arenën ndërkombëtare.