LDK fitoi më së shumti vota në zgjedhjet lokale

Në zgjedhjet lokale të mbajtura më 17 tetor, Lidhja Demokratike e Kosovës ka dalë  e para për nga numri i votave( të rregullta, me kusht dhe me postë. Ky subjekt politik ka fituar me gjithsej 170 mijë e 177 vota në niv vendi.

E dyta në radhitje ka mbetur Lëvizja Vetëvendosje me 167 mijë e 519 vota e pasuar nga Partia Demokratike e Kosovës si e treta me 161 mijë e 283 vota.

Vendi i katërt është zënë nga Aleanca për Ardhmërinë e Kosovës, me 90 mijë e 708 vota.

Për sa i përket votave të diasporës gara më e ngushtë është zhvilluar mes LDK-së dhe VV-së, përcjell Albinfo.ch.

Në raundin e dytë të zgjedhjeve, i cili do të mbahet më 14 nëntor konkurrente në balotazh do të jenë: Gjakova (AAK-LVV), Rahoveci (AAK-LVV), Gjilani (LVV-LDK), Dragashi (PDK-LDK), Klina (AAK-PDK), Kamenica (PSD-LVV), Podujeva (LVV-LDK), Prishtina (LVV-LDK), Prizreni (LVV-PDK), Vitia (LDK-LVV), Vushtrria (PDK-LDK), Malisheva (Nisma-PDK), Juniku (AAK-LDK), Mamusha (KDTP-KATP), Gllogovc (PDK-DD), Kllokot (Lista Serbe-GI SNS), Istog (LDK-AAK) dhe Shtime (PDK-LVV).