LDK hap dyert për bashkatdhetarët

Gjatë qëndrimit në Kosovë bashkatdhetarëve u janë hapur dyert e institucioneve dhe partive politike për t’i vizituar.

Sot gjatë ditës, selia e LDK-së dhe udhëheqësit e saj ishin nikoqirsë të bashkatdhetarëve, shkruan Albinfo.ch.

“Në selinë Qendrore të LDK-së, pritëm bashkatdhetarët tanë që këtë verë – si çdo verë tjetër – qëndrojnë në Kosovë. Në një pritje shumë më modeste se çfarë ata na bëjnë sa herë që i vizitojmë në mërgatë, me ta, me njerëzit tanë, shtruam vizionin e përbashkët për të ardhmen”, thuhet në njoftim.

Tregimi i mërgatës, thuhet tutje në njoftim, nuk ka mbaruar në Kosovë, dhe për aq sa duam ta kuptojmë, ky tregim nuk mbaron dot.

Kosova, sipas LDK-së, ka nevojë për mërgatën e saj, dhe LDK ka nevojë për njerëzit tanë në mërgatë.

“Do të mbajmë e mirëmbajmë këtë lidhje, që Kosovës t’i japim perëndimin jo si destinacion ikjeje, por si qëllim jetese e vlerash për familjet tona e qytetarët tanë”, thuhet tutje në njoftimin e LDK-së.