LDK-ja e para, Kurti, i preferuar për kryeministër

Nëse zgjedhjet në Kosovë do të mbaheshin të dielën e ardhshme, 42 për qind e qytetarëve do të dilnin për të votuar. 

Sipas një ankete të Lëvizjes Vetëvendosje, realizuar me qytetarët nëpër qytete të ndryshme të Kosovës. 

Nga 1 mijë e 70 të anketuar, sipas VV-së, Lidhja Demokratike e Kosovës është partia e cila prin si më e preferuara e qytetarëve të Kosovës. 

Por, sipas anketës së LVV-së, Albin Kurti del të jetë i pëlqyeri i qytetarëve për kryeministër. Bislimi tha se, sipas rezultateve të anketës, VV-ja po rritet në numër, e PDK-ja e Kadri Veselit po humb elektorat, ndërsa AAK-ja dhe NISMA po fitojnë vota nga PDK-ja. 

Sipas anketës, janë tri arsye të pakënaqësive të qytetarëve me qeverisjen e tanishme: si mungesa e zhvillimit ekonomik, problemet me politikën e jashtme dhe luftimi i korrupsionit. 

Po ashtu, u përmendën edhe problemet më të mëdha, me të cilat, sipas VV-së,  po përballen qytetarët, si çmimet e larta të faturave të rrymës, paga mesatare e ulët, çmimi i lartë i derivateve, mungesa e vendeve të punës dhe mungesa e barnave.