LDK-ja nuk ndërron qëndrim për dialogun

Lidhja Demokratike e Kosovës vazhdon të mbajë qëndrimin e njëjtë për dialogun.

Ajo do ta përkrahë një marrëveshje finale në të mirë të qytetarëve nga dialogu, por, vetëm nga pozicioni i opozitës.

Kështu ka thënë kreu i LDK-së, në një tubim të kryesisë së LDK-së. Ai ka thënë se si LDK janë të gëzuar që procesit të dialogut i ka dhënë mbështetje SHBA-të, vend për të cilin Ibrahim Rugova ka thënë se duhet të kultivohen raportet e mira.

”Ne do ta përkrahim si opozitë, kjo çështje i takon institucioneve, çështje e Qeverisë dhe e presidentit, ne nuk do t’i bashkohemi do ta përkrahim nga opozita”, ka deklaruar i pari i LDK-së.