LDK: S’lejojmë shkatërrimin e asaj që ndërtuam qe 17 vjet

Lidhja Demokratike e Kosovës ka thënë se ka pasur koordinim me partnerët ndërkombëtarë për të mos lejuar rrëzimin e Gjykatës Speciale.

Sot me kërkesën e 43 deputetëve është kërkuar që sot të mbahet seancë e jashtëzakonshme për ta shfuqizuar Ligjin për Dhomat e Specializuara dhe të Prokurorisë Speciale.

Megjithatë, kjo u pamundësua pas dështimit të Kryesisë së Kuvendit, pasi LDK, VV dhe pakicat nuk e mundësuan kuorumin, shkruan Albinfo.ch.

“Sonte pamë zhvillime dramatike të panevojshme. Keni parë sot koordinimin tonë me partnerët ndërkombëtarë. Ne nuk lejojmë që Kosova ta prishë këtë partneritet. LDK nuk lejon shkatërrimin e asaj që u ndërtua qe 17 vjet”, ka thënë shefi i Grupit Parlamentar të LDK-së, Avdullah Hoti.