Lea Ypi prezanton librin e saj të fundit në Literaturhaus München

E ftuar nga Literaturhaus München, shkrimtarja shqiptare me famë ndërkombëtare, Lea Ypi, e përkthyer në mbi 35 gjuhë, prezantoi librin e saj më të fundit në një mbrëmje letrare të mbushur me publik.

Autorja u prezantua nga drejtoresha Tanja Graf dhe zhvilloi një bashkëbisedim me gazetarin Jens-Christian Rabe nga Süddeutsche Zeitung, ku rrëfeu ngjarje dhe kujtime që ndërthuren mes jetës personale, familjes dhe zhvillimeve historike që kanë formësuar identitetin e saj, transmeton albinfo.ch.

Pjesë nga libri u interpretuan në një lexim artistik nga Wiebke Puls, aktore në Münchner Kammerspiele, duke i dhënë mbrëmjes një dimension emocional dhe artistik.
Atmosfera gjatë evenimentit u karakterizua si e ngrohtë dhe reflektuese, duke treguar interesin e madh që veprat e Lea Ypi ngjallin tek publiku ndërkombëtar.