Lëndohet një person në Ditën ndërkombëtare të sigurisë dhe shëndetit në punë

Foto ilustrim

Një person ka lënduar dy këmbët derisa ishte duke punuar në një firmë në Ferizaj.

Viktima është dërguar për tretman mjekësor në QKUK, përcjell albinfo.ch.

“Viktima mashkull K-Shqiptar ka raportuar se përderisa ishte duke punuar në një firmë, ka lënduar të dy këmbët. Viktima është dërguar për tretman mjekësor ne QKUK, ndërsa ne vendin e ngjarjes kanë dalur inspektoret komunal”.

Sot Dita ndërkombëtare e sigurisë dhe shëndetit në punë

Çdo vit në këtë ditë mbahen aktivitete dhe fushata ndërgjegjësimi, me qëllim përqendrimin e vëmendjes mbi tendencat e reja në fushën e sigurisë dhe shëndetit në punë si dhe rëndësinë e problemeve të lidhura me lëndimet, sëmundjet dhe vdekjet në vendin e punës.

28 prilli është gjithashtu një ditë, në të cilën sindikatat në botë përkujtojnë dhe nderojnë kujtimin e viktimave të aksidenteve dhe sëmundjeve në punë.

Dita botërore për sigurinë dhe shëndetin në punë është një pjesë integrale e Strategjisë globale mbi sigurinë dhe shëndetin në punë e drejtuar nga ILO, e cila promovuan krijimin e një sigurie globale parandaluese dhe të një kulture shëndetësore me përfshirjen e të gjithë aktorëve.

Në këtë datë, në shumë vende të botës, autoritetet kombëtare, sindikatat, organizatat e sigurisë dhe të shëndetit në punë dhe punëdhënësit, organizojnë aktivitete të shumta.