Liberalizimi i vizave për Kosovën është afër, konfirmon diplomati italian

Ambasadori i Italisë në Prishtinë, Antonello De Riu, është shprehur optimist se nën presidencën çeke të Bashkimit Evropian do të jepet hapi i parë për liberalizimin e vizave për Kosovën.
De Riu ka rikthesuar mbështetjen e Italisë për liberalizimin e vizave dhe për dialogun me Serbinë, transmeton albinfo.ch.

“Qëndrimi i Italisë për liberalizimin e vizave është i qartë që nga fillimi. Italia përkrah liberalizimin e vizave, edhe ngase Kosova ka mbetur i vetmi vend i Ballkanit Perëndimor që i nënshtrohet kësaj disipline. Qytetarët kosovarë e njohin edhe natyrën e procedurave brenda BE-së, por sigurisht e dinë se Italia do të vazhdojë të mbështesë qëndrimin e Kosovës me partnerët evropianë. Shpresojmë se me presidencën çeke do të mund të jepet një hap i parë i rëndësishëm për të nisur këtë proces, fatkeqësisht deri më tani të bllokuar”, u shpreh ai në një intervistë për KSP.

Lidhur me bashkëpunimin Itali-Kosovë, ambasadori De Riu u shpreh se duhet të thellohet më tej.