Ligji “27 prilli”, shkon në Kuvend

Udhëheqësit e trupit për pajtim e ngjarjeve të 27 prillit në Kuvendin e Maqedonisë kanë njoftuar se Ligj për Amnisti është hartuar mbi bazën e veprave që nuk do të përfshihen në amnisti.

Deputetja Frosina Remenska theksoi se draft-ligji nuk synon rikualifikimin e veprës në “bashkim për veprimtari armiqësore”, shkruan albinfo.ch

“ U bazuam në kornizat e asaj se çfarë nuk do të mund të amnistohet. Kjo ishte baza mbi të cilën punuam. Në amnisti nuk përfshihen organizatorët dhe skenaristët e ngjarjeve të 27 prillit, për të gjithë ata që ka dyshime të bazuara apo bazë për dyshime, ata të cilët kryen dhunë fizike, përfshirë edhe personat me maska, personat me armë, mjete eksplozive dhe personat zyrtarë që kanë shkelur kompetencat e tyre”, ka thënë udhëheqëse e trupit për pajtim, Frosina Remenski.

Ndërsa deputetja tjetër, Emilija Aleksandrova, ka thënë se gjykata e prokuroria do të vendosin për aktakuzë për 33 personat e përfshirë.  Pas shqyrtimit dhe miratimit të tekstit në trupin për pajtim, drafti është dërguar për procedurë në Kuvend.