Ligji i ri për drogën në Zvicër sjell probleme për policinë

(KESTONE/Christof Schuerpf)

Gjykata Federale në Zvicër ka marrë vendim që policia nuk ka të drejtë të konfiskojë kanabisin nëse është më pak se 10 gram, është i destinuar për përdorim personal dhe nëse përdoruesi në fjalë nuk kapet në flagrancë duke e pirë publikisht, shkruan swissinfo.ch.

Sipas gazetës SonntagsZeitung, ky vendim mund të jetë gjithashtu një precedent për droga të tjera.

Sipas ekspertëve parimi zbatohet edhe për drogat më të forta si heroina, kokaina, një drogë e njohur në qytetet zvicerane, dhe crack-i, i cili aktualisht po shkakton probleme veçanërisht në Gjenevë.

Autoritetet e drejtësisë janë të shqetësuara për këtë, shkruan gazeta ku citon policinë në St Gallen dhe në Cyrih, të cilët duan që implikimet konkrete të vendimit të fundit të shpjegohen në nivel kombëtar në vend që të lihen të hapura për interpretim, përcjell albinfo.ch.

Një pyetje kryesore lidhet me sasinë e çdo droge që konsiderohet e pranueshme për t’u mbajtur për përdorim privat: vetëm 10 gramë për kanabisin është përcaktuar në mënyrë specifike me ligj.

Për barnat e tjera, ekspertët thonë se sasitë e “përdorimit personal” janë ato që do të kalonte një përdorues brenda një jave. Në St Gallen, për shembull, autoritetet e vendosën këtë si 2 gram kokainë: d.m.th., rreth 25 linja, të cilat do të kishin një vlerë prej rreth 200 CHF, shkruan swissinfo.ch.