Lihtenshtajni, vendi ku nuk mbyllen dyert

Disa vjet më parë Lihtenshtaini miratoi rregullat e sjelljes për emigrantët.

Në rregullat në fjalë thuhet se është e këshillueshme që të huajt të jenë të qetë në kohën e drekës nga ora 12 në 13.30.

Në këtë vend të vogël, në mes të Austrisë dhe Zvicrës, pothuajse nuk ka ndodhur asnjë krim. Vrasja e fundit e regjistruar ka ndodhur në vitin 1997, dhe vendi ka vetëm disa të burgosur.

Çdokush që ka qenë i dënuar më shumë se dy vjet dërgohet në burg në Austri.

Njerëzit në këtë vend ndjehen aq të sigurt sa shumica prej tyre nuk i mbyllin dyert e hyrjes.

Kryeqyteti i Liechtensteini është Vaduzi, ka një popullsi 5425 banorë. Vaduzi është edhe qyteti më i madh në atë vend.

Lihtenshtajni është një prodhues kryesor në mbarë botën i dhëmbëve artificialë. Kompania “Ivoclar Vivadent” është  udhëheqëse në botë në prodhimin e dhëmbëve, me një pjesë të tregut total prej 20 për qind.

Himni i Lihtenshtajnit ” Oben am jungen Rhein” ka plotësisht të njëjtën melodi si himni i Britanisë së Madhe. Gjuha zyrtare e Lihtenshtajnit është gjermanishtja, por njerëzit në përgjithësi nuk e flasin. Shumica janë shërbyer me dialekt, i ndryshëm nga gjermanishtja standarde.

Deri në vitin 1984 për shkak të dështimit në tri referendume në Lihtenshtajn gratë nuk kishin drejtë për të votuar në zgjedhje. Në zgjedhje kanë votuar vetëm burrat deri në referendumin e katërt, kur votuan 51.3 për qind të votave për të lejuar gratë të votojnë në zgjedhje.