Limaj: Demarkacioni zgjidhet me negociata me Malin e Zi

Ai ka propozuar që sa më shpejt të mblidhen liderët partiakë dhe miqtë ndërkombëtarë, në mënyrë që të gjendet konsensusi për këtë temë

Zëvendëskryeministri Fatmir Limaj është shprehur optimist se do të gjendet një zgjidhje e duhur për demarkacionin me Malin e Zi, transmeton albinfo.ch.

Ai ka propozuar që palët të ulen një tryezë diskutimi me zyrtarët e Malit të Zi për të gjetur një zgjidhje.

Deri tash zyrtarët e lartë shtetërorë të Malit të Zi kanë thënë se për ta çështja e demarkacionit ka përfunduar. Por, kështu nuk mendon kreu i partisë Nisma për Kosovën.

“Nuk kam dilemë se do të ketë zgjidhje. Më të vështira kanë qenë negociatat për Kosovën e pavarur, sesa zgjidhja e këtij problemi”, ka thënë Limaj në një intervistë për televizionin publik të Kosovës. Ai po ashtu ka propozuar që sa më shpejt të mblidhen liderët partiakë dhe miqtë ndërkombëtarë, në mënyrë që të gjendet konsensusi për këtë temë.