Londër, event për nder të 7 Marsit, promovohen disa libra

Për nder të 7 Marsit, Ditës së Mësuesit, mbrëmë në ambientet e Ambasadës së Republikës së Kosovës në Londër u mbajt promovimi i disa librave të botuara për historinë e familjes Qiriazi, ku disa nga veprat e botuara janë nga autori Dr. David Hosaflook, njëherësh drejtor i Institutit për Studime Shqiptare dhe Protestante në Tiranë, përcjell albinfo.ch.

Gjatë bashkëbisedimit me të pranishmit në ambientet e ARKS-së, Dr. Hosaflook foli në përgjithësi për historinë e familjes Qiriazi.

Ai theksoi se, meqenëse jemi në prag të datës 7 Mars, Ditës së Mësuesit, dëshiroj të potencoj se familja Qiriazi është model dhe do të mbetët gjithmonë frymëzim për brezat e rinj. Familja Qiriazi ka dhënë një kontribut të jashtëzakonshëm për zhvillimin e kulturës dhe arsimit shqiptar, e në veçanti angazhimin për emancipimin e gruas në përgjithësi.