Këtë verë, kryeqyteti i Kantonit Vaud, Lozana, do të ketë një lidhje të drejtpërdrejtë me qytetin francez të Marsejës, njoftoi TGV Lyria, përcjell albinfo.ch.
Biletat dolën në shitje më 7 prill dhe mund të blihen ose në faqet SNCF ose SBB.
Megjithatë, lidhja do të jetë funksionale vetëm nga 1 korriku deri më 23 korrik. Sa i përket lidhjes së zakonshme verore Gjenevë-Marsejë, ajo do të vihet në shërbim nga 1 korriku deri më 27 gusht.
Kjo do të thotë se qyteti ndërmjetës i Avignon mund të arrihet në 3 orë dhe Marseja në 3 orë 43 minuta nga Gjeneva dhe 30 minuta më shumë nga Lozana.