Lucerni bëhet kantoni më i favorshëm fiskalisht në Zvicër

Zug nuk është më kantoni më tërheqës fiskalisht në Zvicër

Kantoni i Zug, prej kohësh i njohur si një nga destinacionet më tërheqëse për kompanitë e huaja për shkak të taksave të ulëta, nuk është më kantoni më i favorshëm fiskalisht në Zvicër, përcjell albinfo.ch.

Sipas një analize të re të realizuar nga firma konsulente PwC, kantoni i Lucernit ka ulur normën e tatimit mbi fitimin në 11.66% për vitin 2026, duke e kaluar paksa Zug, i cili qëndron në 11.71%.

Në krahasim, kantonet e mëdha si Cyrihu dhe Bern aplikojnë norma dukshëm më të larta, rreth 20%, duke e bërë konkurrencën fiskale ndër kantonet zvicerane edhe më të theksuar.

Ndërkohë, raporti thekson edhe një rritje prej afro 2% të numrit të punëtorëve ndërkufitarë në vitin 2026, duke reflektuar lëvizjet e vazhdueshme të fuqisë punëtore në tregun zviceran.

---