Lulzim Fejzullahi, fiton ulëse në Odën Ekonomike në Austrinë e Epërme

Lulzim Fejzullahi, djaloshi nga Klina, i cili udhëheq disa biznese hoteliere në Ebensee dhe Gmunden, Austri, është zgjedhur përfaqësues i partisë SPÖ në Odën Ekonomike Austriake në Austrinë e Epërme. Për të fituar ulëse në Odën Ekonomike Austriake, këto ditë janë mbajtur zgjedhje në mbarë Austrinë. Në Austrinë e Epërme, sipas mediave austriake, kanë votuar rreth 90 mijë sipërmarrës, shkruan albinfo.at.

Si anëtar i Odës Ekonomike Austriake, Lulzimi do të ketë mundësinë të kontribuojë në zhvillimin e politikave ekonomike, të lidhet me sektorë të ndryshëm të ekonomisë dhe të forcojë partneritetet mes Austrisë dhe Kosovës. Ky është një hap i rëndësishëm për forcimin e marrëdhënieve tregtare dhe investuese, si dhe për promovimin e mundësive të reja për bizneset shqiptare që dëshirojnë të investojnë në tregun austriak.

Lulzim Fejzullahi, për disa vite, ka qenë edhe asamblist në komunën e Ebensee nga radhët e partisë SPÖ.