Macron, i pakënaqur me “zhvendosjen” eventuale të PE-së në Bruksel

Macron u shpreh i pakënaqur nëse Parlamenti Evropian në kohë pandemie i mban mbledhjet vetëm në Bruksel.

Evropa është “e shkatërruar” nëse Parlamenti Evropian përfundon së qeni në qytetin francez të Strasburgut një herë në muaj dhe mblidhet vetëm në Bruksel, tha të martën presidenti francez, Emmanuel Macron.

“Për momentin po luftoj me dhëmbë për dhëmbë për idenë që Parlamenti Evropian duhet të mblidhet në Strasburg”, u tha Macron studentëve të Universitetit në kryeqytetin Lituanez, Vilnius.

“Nëse e pranojmë që Parlamenti Evropian mblidhet vetëm në Bruksel, ne jemi të zhgënjyer, sepse për 10 vjet gjithçka do të ndodhë në Bruksel dhe njerëzit do të flasin vetëm mes tyre në Bruksel”, shtoi ai.

Macron u ankua në një letër drejtuar presidentit të Parlamentit Evropian javën e kaluar për vendimin e asamblesë për të mbajtur seanca në Bruksel si rezultat i pandemisë.

Në kohë normale, ligjvënësit e Parlamentit mblidhen në Strasburg për një javë çdo muaj dhe në qytetin belg të Brukselit për pjesën e mbetur, shkruan “Reuters”, përcjell albinfo.ch.

---