Medalja e artë për Majlinda Kelmendin në Abu Dhabi

Majlinda Kelmendi ka fituar medaljen e artë në Grand Slamin e xhudos, që po mbahet në Abu Dhabi të Emirateve të Bashkuara Arabe

Majlinda Kelmendi ka fituar medaljen e artë në Grand Slamin e xhudos, që po mbahet në Abu Dhabi të Emirateve të Bashkuara Arabe.

Kampionia Olimpike (-52 kg) mposhti me ipoon italianen Odette Giuffrida, pas një lufte të ashpër që zgjati rreth 10 minuta. Italianen e kishte mundur edhe në finalen e Lojërave Olimpike Rio 2016.

Në përgjithësi, Majlinda fitoi pesë luftëra, të cilat i sjellin edhe 1 mijë pikë Olimpike për Lojërat Olimpike Tokyo 2020. Nesër garon Akil Gjakova në kategorinë -73 kg, përcjell albinfo.ch.

---