Makolli, thotë se ka caktuar prioritetet e Ministrisë

Ministria e Disporës zotohet se do të tregojë kujdes të shtuar për diasporën e Kosovës në botë.

Ministri Ibrahim Makolli, ka thënë se përkundër kufizimeve që kushtëzohen nga një buxhet relativisht i vogël, i ndarë nga qeveria, ministria tashmë ka përcaktuar edhe prioritetet e veta.

Hartimi dhe zbatimi i politikave shtetërore në raport me diasporën është prioritet i Ministrisë, ka theksuar ministri Ibrahim Makolli.

Duke pase parasysh mundesitë buxhetore të Kosovës, ministri Makolli, ka bërë të ditur se një pjesë e objektivave të kësaj ministrie mund edhe të mos realizohen.

Por, Makolli është shprehur optimist se në fazën e shqyrtimit të buxhetit për vitin 2012 mund të ketë mjete financiare shtesë për Ministrinë që ai e drejton.

Qeveria e Kosovës ministrisë së diasporës për vitin 2012 i ka ndarë një shumë prej mbi 1 milion euro, që nga ministri Ibrahim Makolli konsiderohet relativisht i vogel krahasuar me buxhetin e ministrive tjera.