Mali i Zi nuk vendos masa për hyrjen e qytetarëve të Kosovës

Qeveria e Malit të Zi ka njoftuar se nuk ka vënë masa për hyrjen e qytetarëve të vendeve të rajonit në këtë shtet, në kuadër të masave të reja kundër COVID-19.

Kësisoj qytetarëve që vijnë nga Kosova, Serbia, Kroacia, Bosnja dhe Hercegovina, Shqipëria dhe Maqedonia Veriore nuk do t’u kërkohet asnjë dokument në lidhje me COVID-19 për të hyrë në Mal të Zi.

“Pa kushte, në Malin e  Zi ende mund të hyhet nga Serbia, Kroacia, Bosnjë e Hercegovina, Shqipëria, Kosova dhe Maqedonia Veriore. Kjo ka të bëjë me qytetarët e Malit të Zi dhe qytetarëve të këtyre vendeve”, thuhet në njoftimin e qeverisë.