Manifestim përkujtimor kombëtar KUSHTRIMI I LIRISË, edhe në Itali

Aktiviteti përkujtimor i kushtohet sakrificës sublime të Familjes Jashari dhe dëshmorëve të tjerë të lirisë

Në kuadër të aktiviteteve përkujtimore kushtuar sakrificës sublime të Familjes Jashari dhe dëshmorëve të tjerë të lirisë së Kosovës, Federata Nacionale e Shoqatave Shqiptare në Itali (FNAI) organizon më 8 mars 2026 manifestimin përkujtimor dhe artistik “Kushtrimi i Lirisë”.

Ky manifestim ka karakter kombëtar dhe është vazhdimësi e aktiviteteve që organizohen edhe në Republikën e Kosovës në kuadër të Epopesë së UÇK-së, e cila tradicionalisht mbahet më 5, 6 dhe 7 mars.

Manifestimi synon të sensibilizojë mbarë popullin shqiptar që jeton në mërgatë, për ruajtjen dhe promovimin e kujtesës historike dhe të memories sonë kolektive kombëtare.

Programi i aktivitetit përkujtimor përfshin pjesën komemorative dhe artistike, të konceptuar në mënyrë të përshtatshme për publikun familjar.
Hyrja është falas.

Me këtë aktivitet, Federata Nacionale e Shoqatave Shqiptare në Itali riafirmon angazhimin e saj për ruajtjen e kujtesës historike dhe për forcimin e identitetit kulturor shqiptar në mërgatë, duke e shndërruar manifestimin “Kushtrimi i Lirisë” në një mesazh të përbashkët nderimi dhe reflektimi kombëtar.

Aktiviteti do të mbahet në adresën:
Via S. Donnino, 4/6, 50013 Campi Bisenzio – Firenze, Itali
Ora: 15:30

Kontakt:
Email: federazione.fnai@gmail.com
Telefon: +39 348 266 1553 / +39 339 504 4856

Sekretare e Federatës: Ninfa Pema
President i Federatës: Granit Muçaj

---