Maqedoni: 2.753 raste aktive me koronavirus

Keystone

Që nga fillimi i pandemisë e deri më tani në Maqedoni si të infektuar me koronavirus janë regjistruar 4.820 raste. Tani raste aktive janë 2.753 të infektuar, përcjell albinfo.ch.

Më shumë raste aktive ka në Shkup, përkatësisht 1,593. Sipas komunave, në kryeqytet në përmbyllje me ditën e djeshme, shumica janë nga Çairi – 352, Aerodromi – 127, Butel – 117, Gazi Baba – 128, Qendra – 123, Karposhi – 108, Saraj – 109.

Kjo rritje drastike e numrit të rasteve pozitive me koronavirus, sipas ministrit të Shëndetësisë, Venko Filipçe, është falë mosrespektimit të masave të vendosura.

“Parashikimet e epidemiologëve, këtë dua ta them me rezervë, janë që nga java e ardhshme, periudhën që vijon mund të pritet se edhe vatra e Shkupit do të ulet gradualisht”, tha ministri.

15 për qind e të infektuarve me virusin COVID-19 në Maqedoni janë shtruar në spital, disa janë me simptoma më të buta dhe janë në trajtim shtëpiak dhe pjesa tjetër janë raste asimptomatike./albinfo.ch