Maqedoni: 4 viktima dhe 120 raste të reja me COVID-19

123 persona janë shëruar

Katër pacientë kanë ndërruar jetë nga virusi korona në 24 orët e fundit. Ata kanë qenë të shtruar në spitalin “8 sh,tatori” ishin të moshave 51, 56, 58 dhe 67 vjeç, përcjell albinfo.ch.

Ministria e Shëndetësisë informon se në 24 orët e fundit janë regjistruar 120 raste të reja me COVID-19, nga gjithsej 954 teste të bëra.

Në Shkup janë regjistruar 64 raste të reja, në Tetovë 14, në Ohër 7, nga 5 në Strugë, Kërçovë dhe Resnjë, nga 4 të infektuar në Kumanovë dhe Dibër, 3 në Manastir, nga dy raste të reja në Shtip, Prilep, Gostivar dhe Shën Nikollë dhe një rast i ri në Makedonski Brod.

Instituti për Shëndet Publik sot ka regjistruar 123 pacientë të shëruar. 92 nga Kumanova, 17 nga Shkupi, 5 nga Resnja, 4 nga Tetova, 2 nga Shtipi dhe nga një i shëruar në Prile, Veles dhe Kërçovë.

Numri total i rasteve aktive në Maqedoni është 3550 të infektuar. Që nga fillimi i epidemisë janë prekur 6454 persona, prej të cilëve 2598 janë shëruar ndërsa 306 kanë ndërruar jetë.

---