Maqedoni: 5 viktima dhe 120 raste të reja me COVID-19

Shërohen 125 pacientë

120 të infektuar, 5 të vdekur dhe 125 të shëruar, është bilanci i Covid-19 për 24 orët e fundit në vend. Gjatë 24 orëve të fundit janë bërë 1367 teste, njofton Ministria e Shëndetësisë. Dy viktima janë nga Shkupi, një nga Kumanova dhe dy nga Tetova.

“Në Klinikën Infektive ka ndërruar jetë një pacient i moshës 65 vjeçe. Në spitalin “8 shtatori” ka ndërruar jetë një paciente 46-vjeçare, tek e cila prania e virusit është konfirmuar pas vdekjes. Në spitalin e Kozles jetë ka ndërruar një paciente 85-vjeçare. Në Tetovë në kushte spitalore kanë ndërruar jetë dy persona të moshës, 78 dhe 76 vjeçe, ku njëri prej të vdekurve është diagnostikuar me Covid-19 pas vdekjes”, thuhet në njoftimin e MSH-së.

Sipas qyteteve, në Shkup janë regjistruar 63 raste, Kumanovë-4, Dibër-6, Shtip-4, Prilep-2, Tetovë-14, Strugë-6, Veles-2, Manastiri-1, Ohër-4, Gostivar-12, Shën Nikollë-1 dhe Kërçovë -1.

Në Maqedoni që nga fillimi i pandemisë janë regjistruar 7244 persona të diagnostikuar me Covid-19, prej të cilëve 3324 janë shëruar, kurse 351 persona kanë humbur betejën me koronavirusin e ri. Për momentin në territorin e vendit tonë 3569 raste aktive me Covid-19.

---