Maqedoni e Veriut: 94 raste të reja me koronavirus, 8 viktima

Keystone EPA/GEORGI LICOVSKI

Ministra e Shëndetësisë së Maqedonisë së Veriut bën të ditur se në 24 orët e fundit, nga 830 testet e kryera rezulton që janë shënuar 94 raste të reja me Covid-19, 42 pacientë janë shëruar dhe 8 njerëz kanë humbur jetën nga koronavirusi.

Sa u përket rasteve të reja, në Shkup janë regjistruar 49, Kumanovë-2, Shtip-8, Prilep-1, Tetovë-6, Strugë-2, Gostivar-13, Koçanë-2, Sveti Nikollë-9 dhe Kërçovë-2.

Ndërkohë po sot Instituti i Shëndetit Publik regjistroi 42 raste të të shëruarve dhe atë: Shkup-27, Shtip-1, Prilep-8, Tetovë-1, Veles-3 dhe Koçanë-2.

Betejën me Covid-19 e kanë humbur 8 pacientë dhe atë: 2 nga Shkupi, një nga Prilepi, një tjetër nga Struga, një nga Ohri, 2 nga Gostivari dhe një tjetër nga Kërçova.