Maqedonia pritet që testin PCR ta zëvendësojë me një test më të shpejt

Keystone EPA/GEORGI LICOVSKI

Nga java e ardhshme në Maqedoninë e Veriut pritet që të hiqet testi PCR, kështu ka bërë të ditur Ministri i Shëndetësisë atje, Venko Filipçe.

Filipçe tha se në vend të tij është vendosur të bëhen teste të shpejta “ ultra test” në pikat kufitare por edhe në laboratorët e vendit, të cilat do të japin rezultate brenda 15 minutave.

Në një konferencë me gazetarët konfirmoi se janë duke pritur një vendim nga autoritetet në Serbi, bë në mënyrë që përnjëherë të lehtësohen barrierat preventive të vendosura shkaku i pandemisë CoVid-19.

Ministrat dhe zv/ministrat shumë herë premtuan se kufijtë mes Kosovës dhe Maqedonisë do të hapen pa asnjë kusht, por tani Ministri Filipçe flet për zëvendësimin e testit PCR me teste të shpejta.

“Gjatë ditës së djeshme Ministrja e Shëndetësisë së Shqipërisë, Malit të Zi dhe Kosovës dhanë pëlqimin se mundet të hapen kufijtë në rajonin tonë. Jemi në pritje të Ministrisë së Shëndetësisë në Serbi dhe Bullgari, pas së cilës do të marrim vendim. Besoj në takimin e radhës të Komisionit për Sëmundje Infektive dhe të Shtabit. Takimi i radhës së Shtabit të Qeverisë është caktuar për të hënën”,tha Filipçe.