Marty thotë se imuniteti e mbron nga paditë eventuale të Thaçit

Raportuesi i Këshillit të Evropës, Dick Marty ka thënë se ai ka imunitet, andaj padia e Hashim Thaçit nuk ka efekt. “Thaçi e di që raportuesit e KE kanë imunitet dhe ngritja e padisë në këtë rast nuk do të thotë asgjë”, ka thënë Marty për gazetën Veçernje Novosti.

Ai ka thënë se këtë çështje duhet ta ndjekin organet përgjegjëse në Kosovë, Serbi si dhe ato ndërkombëtare. “Problemi është se dëshmitarët nuk janë të mbrojtur, për të cilën gjë, fatkeqësisht tashmë jemi bindur. Ka pasur dëshmitarë që janë vrarë”.