Masë arresti tre të dyshuarve për rastin e autobusit në Jarinje

Në autobusin e udhëtarëve me targa të Serbisë, i cili vinte nga Serbia në Kosovë, në pjesën e bagazhit, policia ka gjetur dy granata dore dhe detonator iniciues

Tre të dyshuarve që janë arrestuar dje nga Policia e Kosovës në pikën kufitare në Jarinje u është caktuar masa e arrestit prej 48 orësh.

Në autobusin e udhëtarëve me targa të Serbisë, i cili vinte nga Serbia në Kosovë, në pjesën e bagazhit, policia ka gjetur dy granata dore dhe detonator iniciues. Me autobus udhëtonin 57 udhëtarë. Pos kësaj, asnjë nga udhëtarët e autobusit në fjalë nuk është lejuar të hyjë në territorin e Kosovës, ndërsa automjeti transportues është konfiskuar.